Sa 144 ngut kiba ioh khlam covid, kiew ka Ribhoi District

Shillong: Mynta ka sngi, ki don 144 ngut kiba ioh pang corona virus.

Ka Ribhoi ka kiew, da ka jingdon 54 ngut kiba ioh pang bad kitei ki kynthup ia 53 ngut ki riew paidbah. Ka East Khasi Hills, ka don 38 ngut kiba dang ioh pang thymmai katba ka West Khasi Hills, ka don 22 ngut, ka East Garo Hills 10 ngut, ka West Garo Hills 8 ngut, ka West Jaintia Hills 6 ngut, ka East Jaintia Hills 3ngut, ka South Garo Hills 2 ngut bad South West Garo Hills iwei.

Kiba la jem na katei ka jingpang, ki long 56 ngut bad ha West Jaintia Hills, ki don 27 ngut, ha East Khasi Hills 19 ngut, kynthup ia 17 ngut ki riew paidbah, ka West Garo Hills 4 ngut, ka North Garo Hills 3 ngut, East Garo Hills, East Jaintia Hills, Ribhoi District mar iwei.

Kiba iap mynta ka sngi, ki long 4 ngut bad kitei ki kynthup ia 2 ngut na West Garo Hills, iwei na Ribhoi District, iwei na East Khasi Hills.

Kiba dang don ia ka jingpang mynta ki long baroh 1,045 ngut bad ha East Khasi Hills, ki don 283 ngut, ha Ribhoi 306 ngut, ha West Garo hills 116 ngut, East Garo hills 101 ngut .

Baroh kiba la jem ki long 9,368 ngut bad kiba iap baroh ki long 98 ngut.