Sa 13 ngut kiba ioh pang corona, 8 ha East Khasi

Shillong: Ki don sa 13 ngut kiwei pat kiba ioh ia ka pang khlam corona virus, ha ka Jylla Meghalaya, haduh ka por 10 baje mynta mynstep.

Na kitei ki kynthup ia 8ngut ha East Khasi Hills bad 3ngut ki riew paidbah, 5 ngut ki shipai. Ha West Khasi Hills, u don uwei u riew paidbah, ha East Jaintia Hills, uwei u riew paidbah, ha Ribhoi District 2 ngut ki shipai bad ha West Garo Hills uwei u riew paidbah.

Kiba la jem na ka jingpang ki long 66ngut bad kitei ki kynthup ia 63 ngut ha East Khasi Hills bad kitei ki dei 12ngut ki riew paidbah, 51 ngut ki shipai BSF. Ha West Garo Hills ki don 2 ngut ki riew paidbah bad ha West Jaintia hills, u don uwei u riew paidbah.

Kiba dang don ha ka jingpang, ki long 587 bad 443ngut ha East Khasi Hills. Kitei ki kynthup ia 143 ngut ki BSF, 234 ngut ki riew paidbah, 66 ngut ki shipai.

Ha West Khasi Hills, ki don 6ngut, ha Ri Bhoi, ki don 72 ngut, ha East Jaintia Hills 18, West Jaintia Hills 16, West Garo Hills 28, South West Garo Hills 2 ngut, South Garo Hills 2 ngut. Baroh kiba la jem ki long 411ngut.