Sa 12 jait ki jingbam, ba don jingma, nalor U Maggi?

Shillong,  21 Jylliew:
Hadien ba la khang ia u jingbam maggi ha kane ka jylla, ka sorkar mynta ka la phah eksa min sa 12 tylli eiei  ki jait jing bam ban pynthikna la ki long kiba biang ne em ban pyndon kam. Ka Assistan Commissioner ba dei peit ia ki mar bam ha ka jylla kong D Bahun Mukhim ka la iathuh ba ki kynja jingbam ba phah eksamin sha Guwhati ki long kum ki jingbam ba khot noodles.
Ki  jait jingbam ki dei kum u Wow Chow bad Rum Pum ba thied na Ne pal, Koka ba thied na Singapore, Wai Wai na Assam, Yippie bad Yummy na Ri Bhoi.
Ka kompeni Nestle dang shen ka la kyntait ba u Maggi u don jingma ia ki paidbah wat hadien ba la pynpaw da ki kaiphod na ki jylla bapher bapher ba la khleh bun ia u Lead bad Monosodium glutamate da kaba pynapw ba ka kaiphod ba la pynpaw ka long ka bym shisha.
Hynrei ha kajuh pat ka por katei ka kompeni ka la pdiang bad mynjur ban bret ne pynduh noh ia ki 400 million song (packets) kata kumba 27,420 ton na ki jingbam ba ka la pynmih iew, hadien ba ka sorkar pdeng ka la khang ban die ia ki jingbam ba pynmih na katei ka kompani. La buh por ruh ba ia katei ka kam ban thang ia kitei ki song ba katei ka kompeni ka pynmih dei ban pyndep hapoh ka 40 sngi.