Sa 106 ngut kiba ioh pang coronavirus, kiew sha ka 4,049 ngut ha Assam

Sa 106 ngut ki don kiba ioh pang coronavirus ha Assam mynta ka sngi bad baroh kiba ioh pang, ki la poi mynta sha ka 4,049 ngut.

U Himanta Biswa Sarma, myntri ka koit ka khiah ka sorkar Assam, u iathuh ba kitei kiba ioh pang, ki dei na ki 9 tylli ki District. La iathuh ba kitei ki don 32 ngut na Nagaon, ka Darrang 13 ngut, ka Barpeta 10 ngut bad 3 ngut na Karimganj District. Ha Lakhimpur, ki don 2ngut, katba ka Dhemaji bad ka Cachar, ki don uwei uwei.

Ka Kamrup (Metro and Rural), ka don 44 ngut kiba ioh pang bad haba khein lang, haduh mynta, kiba ioh pang mynta ka sngi, ki long 149 ngut.