Sa 102 ngut kiba ioh pang Covid 19 ha Tripura bad sa 74ngut ha Assam

Ha Tripura, ki don sa 102 ngut kiba ioh pang COVID19 bad baroh kiba ioh ia katei ka jingpang, ki long 622ngut.

U Biplab Kumar Deb, myntri rangbah ka Tripura, u iathuh ba ha ka jingtest ia 728 ki sample, la lap ia 102 ngut kiba pang Covid 19. La iathuh ba kitei ki dei kiba wan jingwan na shabar suda.

Ha Assam, ki don sa 74 ngut kiba ioh jingpang Covid 19 bad baroh kiba ioh pang, ki la poi mynta sha ka 1,830 ngut.

Mynta ha ka por 11.03 baje mynmiet, U Himanta Biswa Sarma, myntri ka koit ka khiah ka Assam, u iathuh ba kitei kiba pang, ki dei na Dhubri, Nagaon bad Udalguri district. La iathuh ba 59 ngut ki dei na Dhubri, 14 ngut na Nagaon District bad sa uwei na Udalguri district.

Mynta baroh kiba dang don ha katei ka jingpang ha Assam, ki long 1,410 ngut. Tang mynta ka sngi, kiba ioh pang, ki poi sha ka 269ngut.