Sa 10 ngut kiba ioh covid 19 ha Tripura, baroh long 242 ngut

Agartala: Ha Tripura, ki la don sa 10 ngut kiba ioh pang Covid 19 bad baroh kiba ioh ia katei ka jingpang, ki la poi sha ka 242 ngut.

U Biplab Deb, myntri rangbah ka Tripura, u iathuh ba 5 ngut na kitei ki dei kiba wan phai na Chennai bad Bangalore, 4ngut kiwei pat, ki dei kiba wna na Mumbai bad sa uwei u dei uba trei ha ka tnat rel.

Ha kawei ka khubor, la iathuh ba u don sa uwei uba ioh pang Covid 19 ha Arunachal. U Pema Khandu, myntri rangbah ka Jylla, u iathuh ba utei u nongpang, um shym pyni dak eiei satia, ba u don ia katei ka jingpang. Utei u nongpang, u don ha ka met kaba koit ba khiah, ong shuh U Khandu.