Shillong: Ha ka 5 tarik Rymphang 2020, ka KSU South Central bad ka FKJGP Riwar Mihngi ryngkat u majistret bad pulit nalor ki ophisar ka PWD na Pynursla kila pynlong ia ka jingjurip ia ka jingpynieng kali khlem akor ki nongniah trok kit maw ha surok bah naduh Mawshun sha Wahkdait.
Haba pyntip ia kane, u Information Secretary ka FKJGP Riwar Mihgi bah Evanfield Khonglam u laong ba ka jingkhynra bad talasi ia ki trok ka la long ha ka 2 baje mynsngi, ha kaba la lap ia ki trok kiba ieng khlem akor kaba la wanrah ka jingthut ia ka iaid ka ieng jong ki kali paidbah.
U bah Evanfield u la iathuh ba ha kane ka sngi, la ioh bat ia uwei u nongniah trok uba la buaid.
La bthah ia ki nongniah kali ban ieng shabar ka surok, ym ban ieng hapdeng surok bad ka PWD kala mana ruh ban kit palat pud.
U la iathuh ba ki pulit kila shim number kali ba kit palat, ki bym biang ki number plate, kiba ieng khlem akor bad la bthah ba kin leit mih sha police station ban leh ia kaba donkam.
Phi don ban ong eiei?