Ryngkat ki jain iong ha khmat, lap ia u nongkhaii dewiong ba shah rahbor ha ka GNLA

Shillong, 14 Naiwieng:
Uwei u nongkhaii dewiong u ba la tip kyrteng kum u Janking Marak, u la lait im na ka kti ka GNLA kaba la rahbor ia u la kumba 4 sngi mynta, ka GNLA ka la rahbor ia u Marak ha ka 10 tarik mynta u bnai hadien ka jingbym lah jong u ban pynbiang ia ki pisa ba katei ka seng lehnoh ka la dawa. Ki shipai BSF ki la kam ba ki la pyllait im ia u Marak na Gasuapara kaba don ha South Garo hills district, hadien ba kitei ki shipai khappud ki la ther kuli shipor bad katei ka kynhun lehnoh.
Shuh shuh hadien ka jingiather kuli, ha ka shiteng synnia jong ka miet sngi balang, ki shipai ki la iohi katto katne ngut ki briew kiba dang pyrshang ban jam na shilliang sha shilliang jong u pud u sam ka Bangla bad India bad ha ka tei ka por ki la beh kthong ia kitei ki briew hynrei saw ngut na ki –ki la phet noh, kumta ki la lap sa tang uwi u briew ryngkat ka jingshah teh jain iong na khmat jong u- u dei u Janking Marak u nongkhaii dewiong jogn katei ka thain bad ki la ioh jingtip na u ba u la shah rahbor ha ki kynhun kieng atiar ka GNLA namar bym lah ban siew ia ki pisa ba la dawa. Ia u Marak la aiti noh sha kiba haing ha sem jong u kiba la leit ban ialam noh ia u shapoh hospital. Ia u Marak ki GNLA ki la leit ban rahbor na ing sah jong u.