Rwai Hindi u Zenith ha jingialang plie ia ka 91.1 FM Mirchi

Shillong, 17 Lber:

U Zenith Sangma myntri ka tnad ialehkai ka sorkar jylla uba dei ruh u symbud kongsan u la rwai ha ka jingialang plie paidbah ia ka Radio Mirchi 91.1 FM ha Shillong kaba la long ha State Convention Centre. U Zenith u dei u para jong u myntri rangbah ka jylla u Dr.Mukul Sangma. Shi bynta kum ka jinglehkmen ha ka por ba la plie paidbah ia katei ka Radion Station ki nongpyniaid ki la khot ia u Zenith ban rwai bad khlem da pynphai ktien ma u ruh u la ieng joit naba shong ban kiew sha rynsan . U la rwai shi dkhot na ka jingrwai Hindi ‘Har Kisi Ko’ kaba la rwai da u Arijit Singh ha ka phlim ‘Boss’. U Zenith u la rwai tiak tiak khlem jingbakla ia ki kyntien na ka dkhot ba nyngkong jong katei ka jingrwai lem bad ka khorus jong katei ka jingrwai. U Dr.Mukul Sangma uba long u kongsan ha katei ka jingialang u khlem ioh peit shuh ia u para jong u ba u rwai naba u la mih noh ha katei ka por.

Ka 91.1 FM Radio Mirchi -It’s Hot la plie paidbah mynta ka sngi da u myntri rangbah ka jylla u Dr.Mukul Sangma bad katei ka radio station kan sdang ban pynshongshit bad pynbyrngia ia ki paidbah lyngba ki jingrwai phareng bad ki jingrwai hindi katkum ka jingkwah u paidbah. Ha katei ka sngi u Regional Head jong katei ka steshon u Bithindra Biswas u la ong ba la tip ia ka nongbah Shillong kum ka nongbah jong ka rwai ka siaw bad ka put ka tem ha ka ri India baroh kawei bad dei na kata ka daw la jied kyrpang ia ka nongbah Shillong ban pyniaid ia katei ka stashon kaba u la ong ba kan dei ruh ka steshon radio kaba khluit tam jong ka Radio Mirchi kaba don ha India baroh kawei. U la ong ba ka Mirchi ka don 74 tylli ki Frequency ha 64 tylli ki sorbah ha ka ri bad ka dei ruh ka mirchi kaba heh tam hapoh India. Ki RJs ki ban pyniaid ia katei ka prokram jong ka 91.1 FM Mirchi ki long u RJ Gordon, ka RJ Marisa bad u RJ Nicky J (uba la ju tip paidbah kum u Manik), ki prokram jong ka 91.1 ka long baroh shisngi. Ha katei ka sngi la don ruh u Abdul