Rung UDP, U Joint Director barim

Shillong: U Bhupendra G.Momin, Joint Director barim, ka Education Department, West Garo Hills, ula pyniasoh ialade mynta ka sngi sha ka seng United Democratic Party, ha kaba la pdiang sngewbha da U Dr.Donkupar Roy, President jong ka seng, U Dr.Jemino Mawthoh, General Secretary bad sa kiwei de ki nongialam na Garo Hills, ba kynthup ia U Samuel Sangma, MLA bad uba dei U Associate Member ka seng UDP, U Sengman R Marak, Ex MLA bad u dkhot jong ka seng UDP.
Utei u dkhot thymmai jong ka seng, u kwah ban nang pynkhlain ia katei ka seng bad ban trei shitrhem, na bynta ka roi ka par jong ka Garo Hills. Ka jingialang ka ai khublei ruh ia u bah BM Lanong, uba la shah jied kum u dkhot ka KHADC. Ka seng, ka sngew ba U Bah Lanong, u dei uba la snah bha ha ka kam, kum u dkhot sha ka District Council bad ka kyrmen, ba un nang iaid shakhmat ban pyniaid beit ia ka jingtrei kam ha ka Council.