Rung semi phainal u nongrwai, ha ka Asian Got Talent

Shillong, 23 Iaiong:
U Shanbor Nongbet uba dei u nongrwai ba kynsai ha ka India Got Talent mynta u la ioh rung sha ka semi phainal ha ka Asian Got Talent Season 1.
U Bah Nongbet bad u Nitish Bharti, kine ki arngut ki dei ki nongia shim bynta na India Asian Got Talent, katba u Nongbet udei uwei uba la shah jied ban rung sha ka semi phainal ha kane ka lympung bad ia kane yn pyni ha AXN Asia  ha ka 31 tarik Iaiong.
Haba kren sha ki nongthoh khubor mynta ka sngi, u  Toshan u la ong ba kane ka long ka jingduh nong kaba kaba khraw namar ba ha kane ka sngi ba un rwai un nym pyni im, hynrei yn pyni pat ha kawei ka sngi. U Toshan u kyrmen ba ki padibah kin ai ka jingkyrshan ia u da kaba vote ia u ha katei ka jingaiakop ba yn iashim bynta.
“Hynrei kaba kham sngewkmen ka long ba lada ki paidbah kane ka jylla kin ai jingkyrshan ia nga da kaba vote namar ba nga dei u briew na kane ka jylla bad nga sngewieid lada ki paidbah ka ri kin ai jingkyrshan ia nga. Nga sngewkmen ba  nga mihkhmat na kane ka ri India,”  la ong u Nongbet.
U la ong ba ka jingthep vote kan plie  saw sngi kynthih hadien ba ladep pyni im ha ka 31 tarik Iaiong