Shillong: Ka kynhun ialehkai jong ka YBSC FC (Shella) ka la rung sha ka semifinal ryngkat ka Lamare FC bad ka Seven Brothers FC ha ka lympung ialehkai CMiv Laitkseh Premiere Football Tournament 2019-20 ba la pyniaid da ka Laitkseh Sport Club hadien ba ka la pynliem noh ia ka Ehrngiew FC da 1- 0 kol hynnin ka lah sngi U Blei ha madan Mawkynjoin, Laitkseh.
Kane ka nam jop jong ka YBSC FC Shella ha ka jingiakhun ‘extra time’ lyngba ka kol na u Emerson Nongrud ha ka minit kaba 101 hadien ba ki la iakhaid khlem don ba thep kol ha ki 90 minit ka jingialehkai.
U Emerson ba la thep shikol ula rah ia ka nam Man of the Match. Ka jingiakhun quarterfinal ban wan kan long hapdeng ka Ryntih SC bad ka Kith United ha ka 24 tarik mynta u bnai.
Phi don ban ong eiei?