|
Shillong: Ka Shillong Lajong ka la pynliem ia ka Langsning FC da 5-2 kol ha ka jingiakhun khadduh jong ka lumpung ka league stage kaba long ha kane ka sngi Saitjain ha madan SSA, Polo.
Da kane ka jingjop, ka Lajong ka la don ha kliar duh ka miej iakhein poin ha ka SPL 2018 da kaba kamai 26 point bad ban rung syndon sha ka semi phainal kane ka jingialehkai. U Samuel Kynshi u la thep ia ka Lajong ha ka 17 minit bad u Bonison u la thep haka 27 minit bad ha 55 minit ba la pyniarap da u Sheen Sohktung. U Mahesh Singh u la thep ia ka kol ha ka 71 bad 72 minit ban pynbiang jingkhein 5 kol. Katba ka Langsning FC ka la lah ban thep ar kol ha ka 77 Donborlang bad u Defence ha ka 90 minit. |
