Rung semi final ka Umkrem ha Bakur

Shillong: Ka Umkrem ka la rung sha ka semi phainal ka lumpung ka 19th Riwar Cup Invitation Football Tournament ba la pyniaid da ka Bakur Social Welfare Sports Club ha madan Bakur mynta ka sngi. Ka Umkrem ka la pylliem ia ka Laitkyrhong da 1-0 kol bad ia kane ka kol la thep da u  Rodonal Kharbuki ha ka 19 minit.

            Kawei pat kaba rung sha ka semi phainal ka long ka  Mupyot ba jop iaka Lamin XI da 4 -0. Ia kine ki kol la thep da u Youphi Khriem ha ka 10 minit, u Namphang Sumer ha ka 38 minit, u Dipok Chetri ha ka 45 minit bad ha 52 minit. Ha ka 28 tarik ka Nongtyngur kan iakhun pyrshah ia ka Mawlong  por 1.30pm.