Shillong,15 Nailur:
Ka project ban iada ia ka um bam um dih ka Sor Shillong kaba wan na ki thain Mawphlang ter ter kaba la tip kum ka Forest and Biodiversity Conservation, Water shed & Livelihood Development la lah ban register bad ban pynrung kum kawei na ki project ka REDD +Project. Ia katei ka project kaba la pynwan dur da ka jingtrei shitom jong ki shiphew hima bad ki shiphew Elaka , ki rangbah ka jong ka synjuk ki Hima Arliang Wah Umiam Mawphlang Welfare Society, kaba kynthup ia ki Rangbah, ki longkmie na kitei ki shiphew Hima /Elaka ha ryngkat ka jingkyrshan jong ka Community Forest International (CFI-USA) .
Ia katei ka jinpynwand ur la lah ban pynurlong ha ka jingiasyllok jong u Bah John F Kharshiing, Co-Chairman, Meghalaya State Planning Board, Govt of Meghalaya, Chairman, Grand Council of Chiefs of Meghalaya, bad Spokesperson, Federation of Khasi States, bad u Mr Mark Poffenberger, Ph.D, Executive Director, Community Forestry International(USA), ha ryngkat ka jingiadon lang jong u Bah NK Lyngdoh, Lyngdoh, Hima Mawphlang, u Bah H L Ryntathiang, Lyngdoh Hima Lyngiong, u Bah Tambor Lyngdoh, Project Director, ka Synjuk ki 10 Hima, bad u Dr BK Tiwari, Professor, Center for Environmental Studies, NEHU, ha ka janmiet 13 tarik September 2013, hapoh Hotel Pinewood.
Ia katei ka project la pdiang hadien ba la examin bad bishar bniah da ki riewstad saian katkum ki kyndon jong ka Plan Vivo, UK, bad lyngba katei ka project yn sa lah ban die lyngba ka iew die carbon kum ka lad ban kyrshan ia ki jingthmu jong katei ka project ka thmu ban kyrshan ia ki paidbah ha kitei ki thain ban im bad ban kamai jah kpoh khlem da donkam ban pynjulor ia ki khlaw ki btap bad khamtam ban iada ia ka tyllong um jong ka Sor Shillong.
Katei ka project kum ka jingsdang ka kynthup ia shiphew tylli ki Hima/Elaka kynthup ia ki Hima Mawphlang, Hima Lyngiong, Hima Sohra, Hima Mylliem, Hima Nongspung, Hima Nongkhlaw, Hima Nonglwai, Hima Pamsanngut, Elaka Mawbeh bad Hima Laitkroh kiba sawdon bad marjan ka Wah Umiam Sub-Watershed, Hima Mawphlang. Katei ka project kan kynthup ruh ia kumba 62 tylli ki Shnong, bad ka jingheh ka jaka trei kam kan kynthup kumba 27,138 hectare, ha ki 10 Hima/Elaka.
Phi don ban ong eiei?