Nongstoiñ: Ka kynhun ialehkai jong ka Nongrim Hills SC ka la ioh ban khur biang ia ka jingjop bad rung ruh sa sha ka Quarter Final jong ka lympung Rani Motor’s Knock out Football Tournamement (RMKOFT) bala pyniaid da ka Laitkseh Sport Club (LSC).
Ka jinglah jong ka Nongrim Hills ban poi sa sha katei ka wat jong katei ka lympung kadei hadien ba kala lah ban pynliem noh ia ka Sawmer SC Da 3 kol la 1 kol ha ka jingiakhun ia ka pre quarter kaba 5 jong katei ka lympung kaba la long ha ka sngi Saitjain jong ka taiew bala lah ha ka madan Mawkynjoin Laitkseh.
Haba phai sha katei ka jingiakhun kaba la long hadpeng kitei ki ar tylli ki kynhun la sakhi ruh ba ka Nongrim Hills SC kala long ka kynhun kaba la lah ban ialehkai bha bad kaba la ioh ruh ban tehlakam bha ia ka bol ha ka jingiakhun jong ka kylla step bad katei ka jinglah jong ka Nongrim Hills ban bat bha ia ka bol kala pynlong ruh ia ka ban ioh thep ruh haduh 3 tylli ki kol ha katei ka kylla.
Shuh shuh ia kitei ki lai tylli ki kol jong ka Nongrim Hills la ioh ban thep da u Jeffery Surong ha ka minit kaba 24 bad 32 katba ia ka 1 kol pat la ioh ban thep da u Mickyson Tangsong ha ka minit kaba 37 bad na ka liang jong ka Sawmer Kam shymla ioh lad satia ban pynphai way tang 1 kol ruh haduh ba katei ka kylla step kan poi noh sha kaba kut.
Ym tang kata ha ka jingiakhun kana la bteng biang sa ha ka kylla miet la sakhi ba ki rangialehkai ka Sawmer kila iakhun tyngeh ban ioh pynphai noh ia kitei ki kol kiba la shah thep bad kala ioh ruh ia ki katto katne tylli ki kabu hynrei kitei ki kabu baroh kila sepei noh namar ka jingbym lah ban pyndonkam pura bha ia katei kabu namar ka jingkhang lad Jong ki rangapdien dien jong ka Nongrim Hills kiba la pyllait noh ia kitei ki bol na ka jingshah thepkol.
Hynrei ha shwa ba ka jingialehkai kan poi noh artad sha kaba kut na ka liang jong ka Sawmer kala ioh ban thep eh daw ia ka 1 kol ia kaba la ioh ban thep da u Marchsterfield Marbaniang ha ka minit kaba 90+3.
Ha katei ka sngi ia ka nam Man of the Match la ioh ban khur da u Jeffery Surong jong ka Nongrim Hills SC u bala ioh ban thep ia ki ar tylli ki kol kiba kynsai iala ka kynhun, bad na ka liang jong ka LSC pat kala pyntip ba ka jingialehkai ka ban bud kan long biang sa ha ka Rasong FC pyrshah ia ka Boca Juniors FC kata ha ka 30 tarik mynta u bnai.