Rung phatok u pulit, ba phasi ka thei samla ha Thanat

Jowai, 11 Nailar:
U pulit langut, uba la tip kyrteng kum Meban kyrshan Kharba ngar (27)  u la shah kem noh mynta ka sngi, halor ka jingjia phasi ka khynnah 14 snem hapoh kamra jong u ha iing sahwai jong u hi kaba don ha ka mala kaba ar ha Thanad Nartiang.
Ia utei u pulit la leit rah sha ka iing bishar bad na ka liang ka iing bishar ka la phah set pathok ia u haduh 14 sngi ha Jowai District Jail.
Ki pulit ka nongbah Jowai ki la pynngat ia utei u pulit hapoh ka 306 IPC kaba dei halor ka jing donkti jong u ban pynlong ia katei ka khynnah ban pyniap ia lade bad ruh hapoh ka kyndon 5(a) jong ka POCSO Act 2012 kaba dei halor ka jing shongkha ia ka khynnah kaba dang rit rta kaba ia ryngkat bad ka jing batbor. Ka jingshah kem bad shah set thep along utei u pulit ka long hadien ba ki pulit ki la ioh ia ka jingujor na kmie katei ka khynnah- ka kong pyni Talang.
Katei ka longkmie ka la ong ba utei u pulit u la donkti ban phon ban pah ia katei ka khun jong ka da kaba kular ba un ri un sumar hynrei tang khyndiat taiew ula shet kylla ia ka bad na katei ka daw ba ka la pyniap noh ia lade.