Nongpoh: Ha ka jingiakhun phainal kaba la long hynnin ka sngi Nyngkong, ka Pahamrioh Football Club, ka la ioh ban rung sha ka phainal ha ka lympung ialehkai phutbol kaba la tip kum ka NPYF Cup Knockout Football Tournament, ha madan ka Byrnihat Sports Association, Byrnihat, hadien ba ka la lah ban pynliem noh pyrshah ia ka Benris FC.
Ha katei ka jingiakhun Semi final, kaba la long hapdeng ka Pahamrioh FC pyrshah ia ka Benris FC, ka la long shisha ka jingiakhuh kaba iakhaid bad kaba la pynshongshit eh ia ki paidbah, ha kaba baroh ki ar-kylla jong katei ka jingiakhun, ki la kut noh ha ka jingiakhiad kaba ym don kiba ioh ban pynkhihjar. Hynrei haba ki nongpyniaid ha katei ka jingialehkai, ki la rah noh sha ka jingiashut Tie Breaker bad dei ha ka Tie Breaker, ka Pahamrioh FC ka la lah ban pynliem noh pyrshah ïa ka Benris FC bad ban pynthikna ïalade ban rung sha ka phainal ha katei ka lympung.
Ia katei ka jingiakhun phainal yn pynlong ha ka 31 tarik mynta u Bnai, ha kaba ka Pahamrioh FC kan iakhun pyrshah ia ka HYC Umling. Lah ruh ban kdew hangne ba ka kynhun kaba ioh ban rah ia ka nam lahduh, kan khung ïa ka song pisa kaba T. 2 lak bad kaba wan ha ka kyrdan ba-ar kan ioh ban khur ia ka song pisa kaba T. 1 lak lem bad kiwei ki khusnam.
Phi don ban ong eiei?