Shillong: Ka Shillong Lajong ka la rung sha ka phainal jong ka Shillong Premier League 2018 hadien ba ka la pynliem ia ka Rangdajied United da 2-1 ha ka jingiakhun kaba long myn hynnin ka sngi ha JN Stadium, Polo.
Ia kine ki kol, ki la ioh ban thep ha ka kyllamiet hadien ba ka kyllastep, ka la kut noh khlem don ba lah ban thep kol.
Ka Lajong ka la ioh ban pynkhih jar ha ka kyllamiet lyngba u Allen Lyngdoh uba la kynjat ia ka shut bol hadien ba u Parvaj ula shah pynkhyllem hapoh ka jaka jong u kol, bad u referee u la ai da ka shut bol. Kane ka la jia ha ka 67 minit.
Ha ka 69 minit, ka Lajong lyngba u Kynsai Khongshit ban pynknieh nam tam da 2-0.
Hynrei ka Rangdajied United ka la lah ban pynphai kylla 75 minit lyngba u B. Lariang.
Da kane ka jingjop, ka Shillong Lajong kan pynkhreh ban iakynduh ha ka phainal pyrshah ia ka Langsning kaba dei ka lahduh mynshem snem.
Ha kawei ka jingialehkai, jong ka 3rd Division, ka Lamlynti ka la pynliem ia ka Madanrting da 1-0 bad ia kane ka kol la thep da u B Rapsang (51). Ha kawei ka jingiakhun ka Lawmei ka la shah pynliem da 1-2 ha ka Nongmensong. Ia ka Lawmei la thep da u A Kurbah (49) katba ia ka Nonmynsong la thep da u A Thabah (6, 13).