Shillong: Ka jingialehkai Super Division 2019 kaba la tip kum ka “Shri. Kyrmen Shylla Contribution Trophy ” ba la pyniaid daka East Jaintia Hills District Football Association kala jan poi sha kaba kut.
Ha ka jingialehkai Qualifier -1, ka Khliehriat West FC ka la pynliem ia ka Sutnga SSCC. Wat hapdeng u slap ka Sutnga SSCC kam shym la ailad ia ka Khliehriat West FC ban ioh pynkhih iaka jar, kumjuh ka jingkhlain jong ki nongap dien ka Sutnga SSCC, ka jingialehkai baroh ar liang kala kut haka jingiakhaid.
Namarkata, iaka jingialehkai la rai jop daka tie breaker ha kaba ka Khliehriat ka pynliem ia ka Sutnga da 3-1.
Ia ka Khliehriat west FC la ialam da u Rangbah Laskyboy Swer kum u Coach, uba ju mihkhmat iaka jylla kum u nongialehkai bunsien haka Santos trophy bad ruh hakiwei ki jingialehkai.
Da kane ka Khliehriat west FC kala buh iaka jaka ialade haka phainal jong ka superleague 2019 ba la pyniaid daka EJHDFA. Ka Jingialehkai ban rai ia kiba neh bad hiar kan long hapdeng ka Rymbai Wahshnong SC pyrshah iaka Thangskai Tiger FC.
Ka Sutnga kan dang don sa kawei ka lad ha kaba kan hap ban ialeh pyrshah ia kaba jop na ka kylla kaban neh ne hiar ne elimination round haka Qualifier -2.
Kane ka katkum ka khubor bala ai da u General secretary bah Coming TM Tlang. Kum ka jingpynkynmaw ka lahduh na ka Superleague kan ioh ban mihkhmat iaka EJHDFA haka Meghalaya State League.
Phi don ban ong eiei?