Shillong: Ka jingialehkai semi phainal ha ka 1st division league ka East Jaintia Hills District Football Association hynnin la sakhi ia ka jingjop ka Khliehriat West YWSC bad ka Thangskai TSC. Kine kin iaknieh ia ka nam lahduh jong ka 1st Division league.
Ka Khliehriat West kala pynliem pyrshah iaka Pohmission Sutnga SC lyngba ka jingiashut bol ne tie-Breaker namar ba ki la iakhaid hapdeng madan.
Ha kawei pat ka jingialehkai ka Mookhaialong SC ka la shah pynliem ha ka Thangskai TSC da ka jingiashut bol hi hadien ba ki khlem lah ban iathep kol ha ka jingiakhun ha madan.
Da kane kala pynlong ia ka Khliehriat West bad Thangskai ba kin iakhun iaka nam lahduh ha ka 1st division. Ha ka aiom ba bud, kine ki ar tylli kila ioh lad ban buh ka jaka ialade haka Super Division.
Ha kane ka sngi, la sakhi iaka jingialehkai sdang ka league ki met iaw ba 35 snem shajrong. Ha kane ka sngi, ka Kairang ka la iakhun ia ka Moopala SC bad ha ka jingiakhun ka Kairang SC kala jop da 2-0 ia ka Moopala.