Ka Croatia, ka la ioh rung sha ka phainal jong ka jingialehkai World Cup, ha kaba kan ia khun pyrshah ia ka France, ha ka Sngi U Blei ha Russia.
Ka Croatia, ka la pynliem ia ka England da 2-1.
Ka jingialehkai ka la ai mynsiem shibun ia ka England, haba U Kierran Tripper, ula ioh ban thep ia ka kol kaba nyngkong, tang mar ia sdang san minit ka jingialehkai, da kaba u ioh shut free kick na ka jaka kaba mar pyrshah jong ka kol; hynrei hadien katei, ka England, kam shym la lah satia ban leh bha bad ka Croatia, ka la ioh ban pynphai ia ka kol kaba nyngkong ha ka minit kaba 68 jong ka jingialehkai.
Haba ka jingialehkai ka la ia khaid, la hap ban ialehkai tam sa 30 minit bad ka dei ha katei ka por, ba U Mario Mandzukic, ula ioh ban thep sa shi kol ha ka minit kaba 109.