Hynnin ka miet, ki briew kiba iaid lymbuid ialade, ki la leit rung ha ka iing dorbar jong ka House of Commons, katba ka jingiakren ka dang iaid halor ka Brexit bad kitei ki briew kiba shiteng lymbuid, ki la leit rung beit ha ka jaka shong jong ki riew paidbah.
Kitei ki dei kiba la tip kum ki kynhun ‘Extinction Rebellion’ ki ieng ha syndah jong ki MP, ba la pyn ia khlad da ka iit bad katei ka la pynlong ia ki MP, ba kin kum peit lorni ia ki met ki phad jong kitei ki briew kiba riam lymbuid mar shiteng ki met jongki. La iathuh ba katei ka jing ioh rung ki briew, ka dei ha ka sien kaba la pyndkoh tyngeh ia ka jing pahara ia ka iing dorbar, hadien jong u snem 2014.
U lamphang ka iing dorbar, U John Bercow, ula kren sha ki dkhot jong ka iing, kiba lap miet ban ia peit kai, ha kaba ula bthah ba kim dei ban lorni ia kitei kiba wan shiteng lymbuid, hynrei ba kin bteng ia la ka jong ka jingiakren.
La iathuh ba ki don ruh ki samla pule, kiba don bynta lem ha katei ka jingrung lymbuid ha katei ka iing dorbar.
Kham hadien ki pulit kiba pahara ha iing dorbar, ki la kem ia ki 12ngut ki nong iakhih bad ka daw ka long namar ba ki pynlehrain ialade, da kaba ki rung lymbuid sha ka iing dorbar.
Phi don ban ong eiei?