Shillong: Ka jingialehkai khein poin ne league ba khatduh jong ka Super League 2019 jong ka ‘Kyrmen Shylla Contribution Trophy ‘ ba la pyniaid da ka East Jaintia Hills District Football Association ka la long hapdeng ka Dhana SC bad ka Rymbai Wahshnong SC.
Ka jingialehkai ka la long kaba itynnad haduh katta katta namar kine baroh ar kynhun ki donkam ban jop ban ioh rung sha ka jingiaknieh neh ne playoff, bad ruh kano kano kaba rem ruh kan shah pynhiar syndon shaka first division.
Namarkata, baroh ar ki kynhun ki la ialeh dur iap ban jop iwei ia iwei. Ha ka kylla step, ka jingialehkai ka la shu kut haka jingiakhait. Ha ka kylla miet pat, haka minit ba 69 ka Dhana SC kala ioh ban pynkhih nyngkong iaka jar jong ka Rymbai Wahshnong SC.
Ha ka minit ba 79 pat ka Rymbai Wahshnong kala ioh ban pynphai iaka kol bad dei haka minit kaba 89 pat u nongialehkai ka Rymbai Wahshnong u la ioh ka kabu ban kawang tyngeh iaka bol naphrang jaka u kol bad jlang kala leit shapoh kol ka Dhana.
Tad haduh ba kut ka jingialehkai une u nam tam jong ka Rymbai Wahshnong SC u la neh bad da kane ka jingjop la pynlong syndon iaka Rymbai Wahshnong ban ioh rung sha ka jingiaknieh ban neh watla baroh shikatta ka dei ka kynhun kaba duna point eh baroh shi katta.
Ki kynhun kiba la rung shwa sha ka jingiakhun neh ki dei ka Khliehriat West FC, Ka Sutnga SSCC, bad ka Thanngskai Tiger SC.
Ka jingialehkai qualifier ba nyngkong kan long hapdeng ka Khliehriat West FC pyrshah iaka Sutnga SSCC ha ka 25 tatrik Risaw ha madan ka seng. Kane ka long katkum ka khubor bala phah da u Tournament Director ka EJHDFA u bah Coming TM Tlang.
Phi don ban ong eiei?