Rung ka Scooty, ha khrum ka trok; khlad 2 ngut ha shen

Shillong: Mynta ka janmiet, ha ka por kumba 7:30 baje eiei kawei ka scooty, kaba don ia u number ML 05 Q 7901, ha ka jingbym lah ban tehlakam u nongniah scooty ka la leit ban rung ha khrum kawei ka trok kaba don ia u number kali AS 23 BC 5040 ha Jingkieng Mawlai Iewrynghep.

Ha kane ka jingjia 2 ngut ki briew kiba kynthup ia uwei u shynrang bad kawei ka kynthei ki la khlad ha shen. Kine 2 ngut kiba la khlad ki dei ki ba la tip kyrteng kum u Jeffry Hynniewta 25 snem ka rta bad ka Shidalin Hujon 18 snem, kiba sah ha Mawlai Mawiong rim.

Kine ar ngut ki dang mih na Mawiong rim ban leit sha Lumdiengjri,haba ki la poi ha Jingkieng Mawlai ki la tynrah ia ka side glass jong kawei ka bike, kaba don ia u number ML 05 T 2773 bad pynlong ia u nongniah Scooty ban ym lah shuh ban tehlakam bad kumta ka Scooty, ka la kyllon sha ka jaka ba iaid ka trok bad ka trok ka la tylliat ia ki ha kaba ki la khlad noh ha shen. Ia ka met jong ki la pynkit noh sha Civil Hospital Shilllong ban leh ia kaba donkam .