Shillong: Myn hynnin ka sngi, u samla Ksanborlang Thabah general secretary ka KSU South Central East Circle Pynursla, ka la ai ia ka dorkhas sha u CEM jong ka KHADC, u bah Titosstarwell Chyne bad kumjuh sha u nongialam ka liang pyrshah ba kin tuklar lem, namar ka jingmih ar tylli ki bor ha ki shnong.
Haba kren ha ki lad pathai khubor, hadien ba la dep ban ai ia ka dorkhas u samla Ksanborlang, ula ong ba ka jingwan ai jong ki ia ka dorkhas mynta ka sngi, ka long ba kyntu ia ka KHADC ba kan peit ia kane ka jingeh namar lada ha ki shnong ki ithuh noh tang ia ka “Village Employment Council” ki dorbar shnong kin sa jah suki.
Ha ka jinglap jong ka KSU ba naduh ba khlem ai lad shuh ia ki Rangbah shnong ban long ki shongknor jong ki VEC, ha ki shnong ki thaw la mih ar tylli ki bor kawei ka dorbar shnong bad kawei ka dorbar jong ka VEC bad kane ka jingdon ar tylli ki bor ha ki shnong ki thaw, kumta ia u rangbah shnong la niew tang kum u nongai syrnot nong shnong shnong.
Kumba ka long mynta ki kam pynroi sha ki shnong ka la iaid lyngba ka VEC bad ha bun ki khep ki VEC ki ia tyngkhuh bad ki bor shnong, ha kaba kane ka wanrah ia ka jingeh ha ki shnong ki thaw bad kane ka wanrah ruh ia ka jingkad arliang, ha ki shnong ki thaw bad ka wanrah ia ka jingduh ban trei ia ki skhim NREGS.
Ha kane ka jingthoh kaba la ai sha u CEM jong ka KHADC bad nongialam ka liang pyrshah, ka KSU ka la kdew ruh ia ka “Village level Development Plant” ha kaba ha kane la thoh bad pyndon kam da ka ktien “Gram Panchayat” bad “Gram Sabha” kane ka lah ban pynjah noh ia ka ktien “Dorbar Shnong”.
Na ka liang jong ka KSU ka kwah ban tip don aiu sha lyndet jong ka ktien ba balei la buh ia ka ktien “Panchayat” ha ka jaka “Dorbar Shnong”.
Katkum ka jingioh jong ka KSU ka long ba kane ka jinglong jingman ka pyni ba ka VEC kan kham khlain bor ia ka dorbar shnong; kumta ka KSU ka kyntu ia ki bor jong ka District kiba la pynkupbor katkum ka riti dustur ba kin leh ei ei ia kane ban iakren lem bad u myntri ba dei peit ia ka tnad pynroi nongkyndong ba ia ka kam Shongknor VEC, u dei ban long u rangbah shnong.
Ka VEC ka dei Tang ka Sub Committee bala pynkup Bor daka shnong bad ka mih naka NREGS ka scheme 100sngi ba ngi iatip bad ka VEC Kam lah ban don lymda khlem don shuwa ka SHNONG bad ki Nongialam shnong,dei maki kiba thaw iaka VEC ym ka vec iaka shnong bad u SORDAR/RANGBAH SHNONG ki donhok ban long u CHAIRMAN/SHONGKNOR hakatei ka VEC.
Good Bah namar ia ka kam Chairman VEC la bad da u rangbah shnong hi ha ka jing sngew jong nga um don jing eh ia kata
Kan long kaba khambha Lada long chairman hi u rangbah shnong, kumba Don katto katne kiba leh kumta
Hooid ka bha ban long chairman hi u Rangbah shnong ha ka 100 sngi, namar mynta ha ka vec lada long secretary synrang dei ban long chairman kynthei ba dei na SHG bad lada long secretary kynthei dei ban long chairman synrang.