Rung ka Meghalaya shapoh ka final round, hadien ba iakhaid bad ka Assam

Shillong:Ka Meghalaya ka la poi sha ka jingiakhaid da 1-1 pyrshah ia ka Assam kaba la pynioh ia ki vaban ioh rung sha ka phainal jong ka Senior Men’s National Football Championship na ka bynta ka Santosh Trophy 2024-25 ba la lehkai ha Nalbari jong ka Assam.

Ryngkat bad kawei ka jingiakhaid bad ki jingjop pyrshah ia ka Nagaland bad Arunachal Pradesh, ka Meghalaya ka la ieng hakhlieh na ka Group E jong ka round ba nyngkong ryngkat babad ka jingioh 7 point. Tang ka kynhun ba ieng hakhlieh na manla ka group kin sa kiew shaka phainal round jong ka Santosh Trophy.
U coach ka Meghalaya u Hering Shangpliang u la wanrah tang kawei ka jingkylla na kaba sdang, haba la pynmioynmih ia u Baiaikara Swer ha jaka u Kevin Rymbai ha ka midfield.
Ka Meghalaya ka tip halor ka jingiaid jong ka jingialehkai mynta ka sngi ba ki donkam ban iakhaid khnang ba ka lah ban dang iaid shakhmat.

U Damanbhalang Chyne u la iarap ia ka jingioh ka lad bad kabu da kaba buh ia ka Meghalaya hakhmat ha ki 56 minit hynrei ka Assam ka la ioh da ka penalty ha katei ka jingialehkai bad pynkylla lyngba ka jingioh thep u Dipu Mirdha (88′) ban pynioh ia ka kynhun ba pdiang jingialehkai ka jingkyrmen halor ka jingjop lyngba ka jingwanphai jong ka.
Hynrei, ka Meghalaya ka la ieng skhem halor ka jingshah nion bad ka jingialehkai ka kut noh ha ka jingiakhaid da 1-1.U Damanbhalang u la shah jied kum u Player of the Match.
Ka kynhun ialeh- kai ka Meghalaya ka ioh jingkyrshan bha ha madan mynta ka sngi na u president jong ka Meghalaya Football Association u bah Hamletson Dohling, MFA General Secretary Sunesh Syiem bad u Adviser ka sorkar Meghalaya, u bah HM Shangpliang, haba baroh ki la leit sha Nalbari ban ai ka jingthap kti ia kane ka kynhun.

Ki nongjop jong manla ki khyndai tylli ki kynhun kin sa pyniasoh ha ka phainal round ha ka jingiakhun ka Services bad ka Goa bad ka Telangana ba pdiang jingialehkai.
Ka Meghalaya ka la ioh rung na ka Group B ryngkat bad ka Goa babad ka Tamil Nadu, Kerala, Delhi bad Odisha.
Ki nonglehkai ba la lehkai ha ka jingiakhun pyrshah ka Assam: Siwel Rymbai (GK), Overkindness L Mawnai, Arlangky Nongsiej, Donborlang Nongkynrih (sub Banraplang Pyngrope 45’+4), Wanboklang Lyngkhoi, Aibiangmame Nongneng (sub Fairming Suting 77′), Robertson Khongriah, Fullmoon Mukhim, Damanbhalang Chyne, Baiaikara Swer, Donlad Diengdoh (sub Aenam Jyrwa 90′)
Meghalaya vs Tamil Nadu, 15 tarik. Nohprah; Meghalaya vs Kerala, 17 tarik, Nohprah ; Meghalaya vs Delhi, 19 tarik, Nohprah ; Meghalaya vs Goa , 22 tarik, Nohprah;
Meghalaya vs Odisha, 24 tarik, Nohprah.