Ka kol U Jorginho, ka la plie ia ka Italy, ba kan jop da 4-2 ha ka jing ia shut penalty pyrshah ia ka Spain bad ba kan ioh ruh ban rung sha ka phainal jong ka jing ialehkai European Championship.
Ka jing ialehkai, ka la kut noh ha ka jing ia thep mar shi kol, ha ka jing ai por ban ialehkai tam. U Federico Chiesa, ula thep ia ka Italy, ha ka minit kaba 60, hynrei U Alvaro Morata jong ka Spain, ula pyn iakhaid ha ka minit kaba 80.
Ka Italy, kan iakhun phainal ha ka Sngi U Blei ha Wembley Stadium, ha England, pyrshah ia ka England lane ka Denmark.
Ki nong ialehkai ka Italy: Donnarumma, Di Lorenzo, Bonucci, Chiellini, Emerson Palmieri, Barella, Jorginho, Verratti, Chiesa, Immobile, Insigne.
Ki nong ialehkai ka Spain: Simon, Azpilicueta, Garcia, Laporte, Jordi Alba, Koke, Busquets, Pedri, Ferran Torres, Oyarzabal, Olmo.
Phi don ban ong eiei?