Rung HSPDP, u bah Renikton

Shillong, 18’lyngkot:
U bah Renikton Lyngdoh Tongkhar u kyrtong jong ka seng NPP ha u snem 2013 na Mawkyrwat Konstitwensi u lapynbna paidbah mynta ka sngi ba u la pyniasoh ialade bad ka seng HSPDP. U bah Renikton u la shah rem ha ka elekshon 2013 na Mawkyrwat ha u bah Rowell Lyngdoh ka Congress, u la ioh 4459 vote ha katei ka sien ia khun ba nyngkong jong u. Ha ka kyrwoh khubor ba la pyllait paidbah mynta ka sngi u la ong ba katei ka jingrung HSPDP jong u ka dei kaba la dep ban ia pynbeit bad ka HSPDP Mawkyrwat bad ha ka 23 tarik mynta u bnai katei ka seng kan pdiang burom ia u ryngkat ki nongbud jong u ha ka por 11 baje mynstep ha ka skul Little Star Mawkyrwat.