Shillong: Ka Nongkhroh ksc ka la rung sha ka final jong ka TSA league 2019 hadien ba la pynliem ia ka Mookyniang sc da ka tie breaker 5 la 4 kol.
Ka jingialehkai naduh ba sdang ka long shisha kaba itynad bad kaba pynhun ia ki nong peitkai. Ka jingialehkai katkum ka por ba la buh ym don satia ba lah ban thep kol. Kumta u referee u la hap ban pynjari da ka extra time shiphew minute shiliang.
Ha ka kylla step ka extra time baroh ar ki team bad ki paidbah ki la ia shongshit bha la ka jong ka liang, ha kum kata ka jingksaid doh iap ka Mookyniang ka la ioh ban shut ia ka direct kick lyngba u Chambar Shylla bad ka bol kala rung jlang ha kyndong ka kol ha kaba u nongap kol ka Nongkhroh KSC um lah leh ei ei shuh.
Mar ia centre ka Nongkhroh ruh kam aili satia bad tang hadien kumba katto kattne por da ka jingialeh passing kala ioh ba pynryngkat ia ka kol lyngba u Odren Suting. Kumta ka jingialehkai lah hap shim rai da ka tie breaker.
Ha ka tie breaker da ka jing ioh u nongap kol ka Nongkhroh ban khanglad ia ia kawei ka bol ba la shut ka Mookyniang sc, kumta ka Nongkhroh ka la tam da 5 la 4 kol bad ka la rung syndon sha ka final.
Kane ka long ka sien kaba nyngkong ia ka Nongkhroh ban rung sha ka final jong ka TSA. Lashai ka sngi pat ka 16/10/19 ka semi final hapdeng ka Mookbu sc pyrshah ia ka Kyortyrkhang sc por 2baje nohphai sngi.
Phi don ban ong eiei?