Rung BJP U Bah Jrop, un peit ia ka Shella

Shillong, 08 Naiwieng:
U Bah Jrop Sing Nongkhlaw uba iakhun na ka Congress ha kane ka elekshon MLA ba la dep, u la pyniasoh noh mynta sha ka BJP bad la aiti ba un peit ia ka BJP Shella Mandal na ka bynta u snem 2016-2019.
U District President ka BJP East Khasi Hills District u bah Babul Suting ula pynpaw ba kum u nongialam un ai ka jingiatreilang bad u bah Jrop Sing Nongkhlaw.
U Bah Jrop ula pynpaw ba ka jingthmu ka jongu ban rung sha ka BJP kadei halor ka nongrim ba kane ka seng hapoh ka jingialam u Narendra Modi kala treikam bha ha baroh ki jylla.
Une u rangbah ula mih na ka sneg Congress mynta la shi snem tam bad mynta un pynkhreh ban iakhun iaka elekshon MLA ha u 2018 na ka seng BJP napoh Shella Constituency bad kum u dkhot ka BJP un ialeh ban pynkhlain ia ka seng ha Shella khnang ba kan ioh mad iaka jingjop ha u 2018.