Shillong:Kat nang mih ki sngi ki por la iohi ia ka jing kiew jong ka parti Bharatiya Janata party (BJP), na ka jing wan rung jong ki riew pawkhmat bad ki riew paidbah sha ka parti kiba la khih jingmut bad phai kh mat sha katei ka parti haba iadei bad ki mat treikam ki jong ka.
Kum shibynta ban pynkhlaiñ ruh ia ka jing pynkhreh jong ka parti sha ka elek shon ban wan sha ka ïingdorbar thawaiñ jong ka jylla ka ban long ha u snem ban wan.
Ha ka 22 tarik Nohprah, la iohi ia ka jing wan rung jong Wossaroi Rani na Mawphlang constituency bad u bah Highlander Kharmalki, u kyrtong jong ka parti congress ha ka bye -election ba dang shu dep na Mawryngkneng constituency,kiba la rung noh sha ka parti BJP lem bad ki spah ngut ki nongkyrshan ki jong ki.
Ha ka jingialang pdiang burom ia kine ki arngut ki nongialam la pynlong ha ophis treikam jong ka parti BJP ha bivar road Shillong, ha ka jing don lang jong ki nongialam jong ka parti ba kynthup ia u state president bah Ernest Mawrie nalor kiwei pat ki nongialam jong ka parti ha ka jylla.
Haba pdiang burom ia kine ki nongialam, u President jong ka parti bah Ernest Mawrie, u la ong ba da ka jingiatrei lang, yn sa lah ban tei ia ka jylla Meghalaya kaba biang ba dap na dong sha dong bad ka ban ai jing myntoi ruh ia ki paidbah jong ka jylla,ia ka jing phohsniew jong ki, kaba ki la thrang la palat 50 snem mynta kaba ym shem la don mano mano ba pyndep ia kane.
Ha ba ai jingkren ha kane ka sngi ki ar ngut ki nongialam, kata u bah Rani bad bah Kharmalki ki la ai jing iaroh ia ka parti BJP ha ka jingialam jong u Narendra Modi. Ka BJP, ka dei kawei na ki parti ka ba dang don ka jing iatylli, ka dei ruh tang ma ka, ka parti kaba ki paidbah jong ka jylla ki dang don ka jingkyrmen na bynta ka roi ka par ha ka jylla hi baroh kawei.
Ka BJP hooid ka kham bha ban ia kiwei tangba ka dei pat ka Right Wings jong ka RSS kaba pyrshang ban phiah ia ka Ri ha ka kyrteng jong ka Niam. Uto u president jong ka u kren kumno myn ha kato ba u wan sha Shillong ngeit phi dang kynmaw.Ka anti social element kan trei kam lada ngi bakla ban jied ne phin ong mat long katba long