rUjor ejahar shuh ka kmie U Bah PJ Marbaniang Ba jah ki jain, sait ia ka snam jong u pulit Patharkhmah

Shillong,
27 Rymphang:  
Ka kmie jong u Bah PJ Marbaniang ka la ujor ejahar bynrap halor ka jingiap jong u khun jongka, U Bah PJ Marba niang u Office in-charge ka Patharkhmah Outpost ha u bnai ba la dep.
Kane ka jingujor ejahar ka long halor ka jingpynjah ia ki sakhi ki satar ia ka jingiap jong u Bah Marbaniang kum kaba pynjah ia ka jain, ka jing sait ia ka snam ha ka jaka ba jia bad kiwei.
Haba pyntip ia kane, ka president ka CSWO ka Kong Agnes Kharshiing ka la ong ba ka kmie jong u Bah Marbaniang, ka Kong Dorothy Marba niang ka la leit ujor ejahar ha u heh pulit Bah J Rymbai uba dei uba leh ia ka jingtohkit ba nyngkong ia kane ka jingjia.
Ka Kong Khar shiing, ka la ong ba kiba haiing hasem jong u Bah Marbaniang ki la pynpaw ia ka jingsngew lyngngoh namar ba ki sakhi satar kiba donkam la pynjah.
Kiba haiing hasem kiba pynpaw ia ka jing suba jur ba ka la don eiei ha lyndet ia ka jingiap jong u bah Marbaniang, wat la ki pulit ki la kam ba u la pyniap hi.
Kane ka kam ka la poi sha ka jingkyllain, bad ka sorkar ka la thung ia ka Special Investigation Team (SIT) ban sei madan ia ki jingshisha halor kane ka jingjia.
Ia kane ka SIT la khlieh da u SP (city) ka East Khasi Hills u Bah Vivek Syiem bad kan dei ban aiti ia ka kaiphod hapoh 90 sngi kaba mut lai bnai.
Katkum ka jingtip ia kane ka SIT ka sorkar ka la pynmih ba la thaw ia ka ha ka 4 tarik Rymphang 2015. Ka SIT ka la leit jurip bad eksamin ia ka jaka sah bad ka jaka ba iap u Bah Marbaniang bad ruh la sei biang ia ka met iap jongu bad la pyndep ia ka eksamin.