Rong ki runar ia ki kot ‘iaseng Kynthei

Nongstoiñ, 5 Rymphang:
Ha ka miet jong ka sngi u Blei ki runar, ki la leit ban pied ia ka kawei ka iing kaba dei ruh artad ka ophis treikam jong ka Jingiaseng Kynthei Nong-stoin Presbytery kaba don ha Nongstoin. Kitei ki runar hadien ba ki la dep pied ia katei ka iing ki la khura ruh ia ki tiar ki tar kiba don hapoh jong katei ka iing bad ki la ioh ruh ban rong tuh noh ia kawei ka synduk (suit case) kaba don ia ki kot ki sla kiba donkam jong katei ka ophis. Kat kum ka tyllong khubor, ba la ioh lum na ki pulit ka Nongstoin la ong ba kitei ki runar hadien ba ki la lap ba katei ka synduk kam don ei ei, hynrei don tang ki kot donkam jong katei ka ophis kitei ki runar ki la leit bret noh ia katei ka synduk sha wah Nonbah ha kaba la ioh ban khwai noh.
Halor katei ka jingjia na ka liang jong ki nongkit kam ka Jingiaseng Kynthei Nongstoin Presbytery ki la leit ban ujor sha thanad Nongstoin ha ka sngi kaba bud bad ka jingtohkit ka dang iaid shakhmat.