“Roi suki tam ka Meghalaya”

Shillong, 27 Nailur:
U Myntri Rangbah ka jylla u Mukul Sangma u la ong ba ka kaiphod jong u Adviser barim ka ioh ka kot bad u governor ka RBI u Raghuram Rajan ka la ong ba ka jylla Meghalaya ka dei ka jylla kaba roi suki tam bad kane ka long markhongpong kumba la kam da u Prime Minister u Manmohan Singh dang shen ba ka jylla Meghalaya ka dei ka jylla kaba roi sted tam ym tang ha ki jylla ka thain shatei lammihngi ka India hynrei ha ka ri.
U Mukul u la ong hynne hadien ba la wai ka jingialang kynhun myntri, “lada ka long kaba shisha, ba ka jylla Meghalaya ka dei ka jylla kaba suki tam ha ka roi, te balei ki samla ki leit iasoh sha ka seng lehnoh?”.
U Mukul u la ong ba ha ka jingialang bad ka Planning Commission, ka jylla Meghalaya ka buh thong ban wanrah ia ka roi ka par sha ka 11 per cent. “Ngi la iathuh ha ka Planning Commission ba ka jylla Meghalaya ka donkam ban kiew sted bad la buh thong ba kan poi sha ka 11 per cent.”