Nongstoiñ: Ka jingiakhun kaba khatduh jong ka wat kaba nyngkong ha ka lympung Rani Motor’s Knock out Football Tournnament 2018, bala pyniaid da ka Laitkseh Sport Club kan long mynta ka sngi ha kaba ka kynhun ialehkai jong ka Nongrim Hills SCC kan iakynduh pyrshah ia ka kynhun ialehkai jong ka Board President XI.
Na ka liang jong ka LSC kala pyntip ba katei ka jingiakhun ka ban long ha pdeng kitei ki ar tylli ki kynhun kan sdang beit ha kapor 2:00 PM ha ka madan Mawkynjoin Laitkseh bad katei ka jingiakhun kaba khatduh eh jong katei ka wat khlem pep kan long kaba itynnad bha.
Kumta na ka liang jong ka LSC sa shisien ka khot ka wer ia ki paidbah riew ieid phutbol jong ka thaiñ ba kin wan ban sakhi da la ki jong ki khmat ia katei ka jingiakhun ka ban long ha pdeng jong kitei ki ar tylli ki kynhun bad la ong ruh hadien katei ka jingiakhun katei ka lympung kan jam noh sa sha kawei pat ka wat kata ka pre quarter final.