Nongstoiñ: Ka jingiakhun kaba 10 jong ka wat kaba nyngkong ha ka lympung Rani Motor’s Knock out Football Tournament 2018, bala pyniaid da ka Laitkseh Sport Club kan long biang mynta ka sngi ha kaba ka Kith United FC kan iakhun pyrshah ia ka kynhun ialehkai jong ka Thongni FC.
Kitei baroh ar tylli ki kynhun ki ban sa ia ai reng mynta ka sngi kidei napoh West Khasi Hills bad lah ruh ban ong ba ka jingiakhun ha pdeng kitei ki ar kynhun khlem pep kan long kaba itynnad bha namar kawei na kitei ki kynhun kata ka Kith United kadei kaba la paw nam bha ha ka thaiñ Nongstoiñ bad kumjuh ha ka District hi baroh kawei.
Na ka liang jong ka LSC kala pyntip ba katei ka jingiakhun kaba 10 jong katei ka lympung ka ban long ha pdeng kitei ki ar tylli ki kynhun kan sdang ha kapor 2:00 PM ha ka madan Mawkynjoin Laitkseh kumta na ka liang jong ka LSC sa shisien ka khot ka wer biang ia ki paidbah riewieid phutbol jong ka thaiñ bad kumjuh kiba na jngai ba kin wan ban sakhi dala ki jong ki khmat ia katei ka jingiakhun.