Nongstoiñ: Ka jingiakhun jong ka lympung Rani Motors Knock out Footbal Tournament 2018 (RMKOFT) bala pyniaid da ka Laitkseh Sport Club (LSC) kan long biang mynhynnin ka sngi ha kaba ka kynhun ialehkai jong ka Solid Target Fc kan iakhun pyrshah ia ka Galaxy XI.
Ka Solid Target Fc kadei ka kynhun ialehkai kaba na ka thaiñ Mairang WKHD, katba ka kynhun ialehkai jong ka Galaxy XI kadei kaba napoh ki thaiñ Pynursla EKHD bad ka jingiakhun ha pdeng kitei ki ar tylli ki kynhun kan sdang ha kapor 2:30 PM ha ka madan Mawkynjoin Laitkseh.
Kumta na ka liang jong ka LSC ka khot ka wer biang ia ki paid riew ieid phutbol jong ka thaiñ ba kin wan ban sakhi dala ki jong ki khmat ia katei ka jingiakhun ka ban long ha pdeng kitei ki ar tylli ki kynhun.
Hadein ka jingia-khun jong kitei ki ar tylli ki kynhun ka jingiakhun jong ka wat kaba nyng-kong (First Rround) jong katei ka lympung ka dang don sa kumba 9 tylli bad ka jingiakhun ka ban bud kan long sa ha ka 11 tarik mynta u bnai ha kaba ka Mawlot Fc kan iakynduh pyrshah ia ka Nongkrem Sc, ha ka 15 tarik ka Ryntih SC pyrshah ia ka Rising FC, ha ka 22 tarik ka Lawei Phyrnai pyrshah ia ka Hynniewtrep FC, ha ka 29 tarik ka 58 GTC FC pyrshah ia ka Niawasa Fc.
Shuh shuh ha u bnai ban wang kitei ki jingiakhun ba dang sah jong katei ka wat kin long sa ha ka 2 tarik ha kaba ka Amigos Fc kan iakynduh pyrshah ia ka Boca Junior FC, ha ka 6 tarik ka Marbisu Fc pyrshah ia ka Shillong Lajong Fc, ha ka 13 tarik ka Kith United Fc pyrshah ia ka Thongni Fc, ha ka 20 tarik ka Board President XI pyrshah ia ka Nongrim Hills bad ha ka 27 tarik pat ka Markasa Sc pyrshah ia ka Sawmer Sc.