Risaiñ ka Dikanchi na ka kam Chairperson

Shillong, 1 Jymmang:
Ka Dikanchi Shira ka lok u Dr.Mukul Sangma, myntri rangbah ka jylla ka la risaiñ noh na ka kam Chairperson jong ka Meghalaya Resource and Employment Generation Council, kaba hap hapoh ka tnad Planning. La iathuh ba ka Dikanchi ka la phah ia ka shithi risaiñ sha u myntri rangbah ka jylla ha ka 26 tarik mynta u bnai bad la ong ba ha katei ka shithi ka la pyni daw ba ka jingrisain jong ka ka dei namar ba ka mut ban ia khun elekshon MP shiteng samoi na Tura konstitwensi . La ong ruh ba katei ka jingrisain ka Dikanchi ka long ban lait na kano ka jingwit ha ka por ba kan thep kyrteng kum ka kyrtong na bynta katei ka elekshon. Ha kawei pat ka khubor , ki bor ka tnad elekshon ki la lap ba baroh ki kot ki sla jong u Conrad Sangma bad ka Dikanchi Shira kiba ki la thep kyrteng ban ia khun elekshon ki la biang lut nadong shadong bad ki lah ban ia khun ha katei ka elekshon.