Shillong:Ka lympung Syed Mushtaq Ali Trophy T20 match kaba la ialeh hynnin ka sngi hapdeng ka Meghalaya bad ka Mizoram, ka kynhun ka jylla kaba la jan ioh ia ka jingjop, ka la duh ha ka jing iakhun da tang 20 run hadien ba ka Meghalaya ka la jied ban ap bad kawang bol shwa bad ha katei ka kylla step ka Mizoram ka la tied 163/6 ha ki 20 over ia kaba ka Meghalaya ka la lah ban jubab tang 143/7.
Ha ka kylla step ka Mizoram ka la pyndon kam bha ia u Agni Chopra uba la lah ban kamai 94 run na ki 48 bol, hynrei une u nongtied u la shah weng noh ha ka bol jong u Akash Kumar Chou dhary da 1/21. Nalor jong u u Rajesh Bishnoi u la ioh ban shim wicket da 2/32, Lerry G Sangma 1/22 bad u Chengkam Sangma da 1/27.
Ha ka kylla miet u Lerry u la lah biang ban tied bol bha da ka jingkamai 36 run kaba kynthup ia ar tylli ki 4 bad ar tylli ki 6. U Lerry Sangma u la ianeh paralok bad u Junjun Sangma uba la tied 21 run na ki 20 bol kaba kynthup ia lai tylli ki 4. Ka jingiakhun kaba bud jong ka Meghalaya kan long lashai ka sngi pyrshah ia ka Chhattisgarh.
Ha kawei pat ka lympung jong ka BCCI’s Senior Women’s T20 Trophy ba la ialeh ha Vado dara, ka Megahalaya kaba mih madan nyngkong ha kane ka lympung ka la shah rem noh ha ka Pondichery da 77 run. Ka Pondicherry kaba la hap ban tied shwa ka la lah ban kamai 150/4 ha ki 20 over, katba ka Meghalaya ka lah ban jubab tang 73/9.
Ka Debasmita Dutta ka la lah ban shim wicket da 3/33 ha ki 4 over, kaba kynthup ia ka nongtied kaba hakhmat jong ka Pondicherry ka E. Kavisha 74 run, katba ka Rebeldalis Syiemlieh ka ioh 1/15 ha ki 4 over
Ha ka jingbeh thong kiba la tied bun na ka Meghalaya ki dei ka Monica Lyngdoh Phawa bad ka Suriti Kumari Ray da mar 14 run.
Ka jingialeh ba mynta ka sngi, ka long ka Meghalaya kan iakynduh sa bad ka Karnataka
Phi don ban ong eiei?