Rem ka Meghalaya ha ka Goa ha ka Ranji Trophy

Shillong:Ka Goa kala pynliem ia ka Meghalaya ha ka inning da 8 run ha ka jingiakhun ba-ar jong ka Ranji Trophy mynta ka sngi Thohdieng ha Goa.

Ka Meghalaya kaba tied nyngkong ka la ioh ban kamai 203 run bad shah pynhpa baroh ki wkt ha sngi nyngkong, u Ravi Teja ula kamai 81 run ban iarap ia ka Meghalaya.

Ka Meghalaya ka la pynliem 3 wkt ha ki 40 run, lyngba u Abhay Negi bad Dipu Sangma. Hadien ki nongtied ki la ialehkai bha, Snehal Kauthankar ula kamai 179 run bad Sumiran Amonkar 129 run ban iarap ia ka Goa ban ioh kamai haduh 463 run bad shah pynhap baroh ki wkt, bad tam ia ka Meghalaya da 260 run.

U Negi ula khur 5 wicket (5/90) katba u Mark Ingty (2/30), Sangma (2/47) bad Sajay Yadav (1/102) ki nongkawang bol kiba ka khur wkt.

Ka Meghalaya kan duh ia u Teja ha ka second innings namar b aula mynsaw bad u hap ban shong thait shwa, kumta kiwei ki nongtied ki la hap ban mih madan kum u Punit Bisht ba la kham paw ula kamai 51 run, kumjuh u Negi ula kamai 50 run (half-century).

Kumta, ka Meghalaya ka la ioh ban kamai 252 run, bad pynlong ia ka Goa ban khur ia ka nam jop da 8 run.