Rben ki pulit ha Shillong

Shillong,25K’lyngkot:
Ha manla ki dong jong ka nongbah Shillong la pynrben ia ki pulit, ban peit pyrman ba kan ym mih kano kano ka jing pynkulmar ha ka sngi rakhe ia ka Republic Day. La iohi ba ha ki jaka ba kham long pdeng kum ha Motphran ne Khyndailad ki pulit ki la ieng shriak ban ap pahara ha katei ka jaka. La iohi ruh ba ha ki dong kum ka Mawprem ki pulit ki ieng pahara ha ki kynjang lum ba kham shynna ban pynthikna ba ka jingrakhe Republic Day lashai ka sngi kan iaid beit iaid ryntih. Lashai ka sngi ka jylla kan rakhe ia ka Republic Day kumba ka Ri India baroh kawei kan rakhe, ha katei ka sngi kin don shibun ki prokram ba ka sorkar ka la khot ban pynlong kum ka jingiamareh thong, ki jingpynbyrngai ba bunjait kum ka jingleh ia shad , ka jingpynher kot kudi, ka jingleh jadu , ka jingiatem ia put kaba la buh kyrpang ban pynlong ha la ki jong ki jong ki jaka.