Rally VDP ki pulit ha Sohiong

Shillong,18 Jylliew:
Mynta ka sngi ki pulit ka East Khasi Hills, Shillong ki la pynlong ia ka Rally jong ki Village Defence Party, bad ia katei ka jingialang la pynlong ha ka shnong Sohiong, katei ka dei ka sien ba nyngkong ba la pynlong ia katei ka Rally ha katei ka thain kaba kynthtup lang ia ka Mawngap bad Sohiong.
Ha katei ka jing ialang la wan ban ia shim bynta da ki VDP jogn ki shnong na kitei ki thian, bad kum juh ruhg ki riew rangbah ka shnong. U SDPO ka Sohra u bah Ian O Swer u la pynsngew sha ki dkhot VDP shaphang ki kyndon treikam jong ki, ki kyndon ain jong ka IPC bad CrPC bad ka kamram ba ki VDP ki hap ban trei.
Ha katei ka Rally la ioh ki jingpynshai na u SP ka East Khasi Hills u bah M.Kharkrang halor kumno ba ki paidbah ki shim ia ka ain ha kti lajong khamtam na ki jingjia ia kynnoh menshohnoh bad kiwei, bad ka tei ka jingleh jong ki ka la pynbor ia ki pulit ba kin pynngat ia ki briew ba donkti ha ki kyndon ain. U la pynsngew ruh shaphang ka jingthombor ia ki kynthei bad kaei ka kamram ki VDP ban iada ia kum kitei ki kam pyntriem. U la pynshlur ruh ia ki paidbah ba kin pyntip sha ki bor ka ain khlem jingtieng ia kino kino ki kam pyntriem.
Ha ka juh ka por, u SP u la ai jingiaroh ia ka jingtrei shitom ki VDP, na bynta ka shongsuk shongsain bad ka jingiaid beit iaid ryntih hapoh shnong, kum ka dak ka jingpynshlur u SP u la ai khusnam sha ka VDP Nongbsap na bynta ki jingtrei bha jong ka.