Rakhe sngi nonghikai

Shillong,5 Nailur:
Mynta ka sngi baroh kawei ka ri India ka la rakhe ia ka sngi burom nonghikai kaba 52 kumjuh ruh ha nongbah Shillong la rakhe ia kane ka sngi ha u SoSo Tham Auditorium, Shil long ha kaba u Prof. RC Laloo, Deputy Chief Minister u la long u kongsan. Ha katei ka jingrakhe sngi burom nonghikai la ia donlang ruh u Bah EP Kharbhih, Commissioner and Secretary, Education Department bad Executive Chairman, MBOSE, Bah FR Kharkongor, Secretary, Education Department, Bah CCM Mihsil. Director of Educational Research and Training, U A Ch. Marak, Director of School Education and Literacy, ki nongtrei sorkar bad ki nonghikai.
Ha katei ka sngi la sam khusnam ruh sha ki nonghikai jong ki skul bapher bapher kum ka dak ka jingpynkup burom ia ki, kibala ioh khusnam ki kynthup ia ka Smti. Rita Ghosh, Assistant Lecturer, Laban Bengalee Boys Higher Secondary School, Shillong, Bah H. Shullai, Assistant Teacher, Government Boys Higher Secondary School bad Upper Primary Section, Bah Pondar Singh Thongni, Assistant Teacher Maharam Government Secondary School, Mawkyrwat, kong B. Naidu Bynnud, Headmistress, Iooksi Presbyterian Upper Primary School, Iooksi, kong Q. Shongdor Rani, Head Teacher, Umdihar Government Lower Primary School, Mr. Niranjan Kumar Rabha, Headmaster, Manikganj Secondary School, Mr. Paresh Ch. Rabha, Principal, Tikrikilla Higher Secondary School, Smti. Saroda M. Marak, Assistant Teacher, Upper Chandmary Lower Primary School bad Smti Niballine M. Sangma, Assistant Teacher Baghmara Government Higher Secondary School.
21 ngut na ki nonghikai la ai khusnam kaba la tip kum ka District Award. Kiba la ioh khusnam ha ka thup ki nonghikai Secondary School ki long Bah K. Kharkongor, Principal, Laban Presbyterian Higher Secondary School, Shillong, Bah Syrian Nongkseh, Assistant Teacher, St. Peter Higher Secondary School, Pyndengrei, kong C. Susngi, Assistant Teacher, Albin Lamare Memorial Secondary School, Nangbah, kong Melinto Rynghang, Assistant Teacher Ri-Bhoi Presbyterian Higher Secondary School, Nongpoh, Smti Gamchi Timre R. Marak, Headmistress, Educere Secondary School, Williamnagar, Mr. Lenin R. Marak, Headmaster Burny Hill Secondary School bad Mr. Hamidul Rahaman, Science Teacher, Ashugre Secondary School.
Ha ka thup ki nonghikai Upper Primary school kiba la ioh khusnam ki long u Bah D. G. Nongsiej, Headmaster, Mawsynram Government Upper Primary School, kong Rita Rani Khyriem, Assistant Teacher, Tirot Singh Memorial Government Higher Secondary School, Nongkhlaw, kong Aprilda Bareh, Headmistress, Sein Raij Upper Primary School, Jowai, kong Mercy Shadap, Assistant Teacher, Mynken Government Upper Primary School, Bhoirymbong, Mr. Arkinson S. Marak, Assistant Teacher, Bolkinggiri Upper Primary School, Smti Vijayanti G. Momin, Assistant Teacher, Government Boys Higher Secondary School bad Mr. Chira Sunder Sen, Headmaster Jagarani Upper Primary School, Baghmara.
Katba ki nonghikai kiba hap ha ka thup Lower Primary school kiba la ioh khusnam ki long u Bah Ditol Mylliemngap, Head Teacher, Unitarian Lower Primary School, Puriang, kong Conclucy Kharmawphlang, Head Teacher,May Flower Lower Primary School, Mawthengkut, kong Hamlet Suting, Assistant Teacher, Chiliangraij Government Lower Primary School, Smti Basanti Chakraborty, Assistant Teacher, Me.ECL, Secondary School, Umiam, Smti Stella R. Marak, Head Teacher, Mangsang Bamil Government Lower Primary School, Mr. Samiran Roy, Headmaster, Government Bengali Boys Lower Primary School, Tura bad Mr. Sothodol N. Marak, Head cum Secretary of Jatrakona Government Lower Primary School.
Haba kren ha katei ka jingialang u Prof R C Laloo u la ai jingiaroh ia ki nonghikai kiba la aitimet bad mynsiem khlem tyngkai sha ka jingshakri jong ki na ka bynta ka ri bad ka jaitbynriew.
U Prof RC Laloo ha katei ka jingialang, u la ong ruh ba ka sorkar jylla ka ai ka jingshakri kaba kyrpang na ka bynta ki nonghikai ha ka jylla ha kaba u la ong ba baroh ki scheme na ka sorkar pdeng bad ka sorkar jylla kiba ia dei badka pule puthi la pyntreikam hok ia ki.
“Ka tulop ki nonghikai Sarva Shiksha Abhiyan (SSA) la kyntiew naduh ki nonghikai Lower Primary bad Upper Primary naduh u snem 2013 bad ka jingsam ei ia ki kot pule napoh ka SSA la sam sha ki palat 7 lak ngut ki khynnah skul ba kin ioh ia ka hok jong ki ban pule” ong u Myntri ka tnad pule puthi ka jylla. U la ong ruh ba ka sorkar ka la nangpynkhlain shuh shuh ia ki jingdonkam ki skulk um ka jingai grant sha ki skul ban shna pynheh ia ka kamra skul, ka um dih bad ki jaka leit shabar. “Ki nonghikai ki nang ioh jingtbit shuh shuh lyngba ki training kiba pher bapher ha kaba kumba 8000 ngut ki bym pat ioh training kin hap ban leit sha ki training jong ki ki Diploma in Elementary Education lyngba ka National Institute of Open Schooling (NIOS) ban tip ia ki kyndon ka RTE bad NCERT” u la bynrap biang.