Rakhe sngi Lumlang ki Khasi ha Dima Hasao

Shillong, 7’lyngkot: Wat la ka jingrakhe ia ka Sngi Lumlang kaba dei ka sngi kyrpang ki khun Khasi khara hapoh Dima Hasao district mynta u snem kam da long kaba shongshit than kumba long ha ki snem ba la dep hynrei ka jingrakhe ia katei ka sngi ka la long pat kaba iaid beit bad kaba shongkun. Kumba ju long ha ki snem ba la dep manla u snem ha ka 7 tarik u kyllalyngkot ki Khasi hapoh Dimahasoa district Assam na kylleng ki shnong ki ju pynlong ia ka jingiakynduh Lang para Khasi ia kaba latip kum ka Sngi Lumlang
Hynrei mynta u snem la rakhe ia kane ka sngi tang ha la ki jong ki jong ki shnong ne ki Unit. Mynta u snem ruh la rakhe ia ka sngi lumlang da kiba bun ki shnong ne unit . Ka Halflong unit ruh ka la rakhe ia ka sngi Lumlang hapoh Cultural institute Hall Halflong . La rakhe ia kane ka sngi da ki prokram bapher bapher kum ki shad tynrai daki dkhot ka KSU, Rwai ia ka  Sngi Lumlang Anthem da ki dkhot ka Sngi Lumlang celebration Committee bad da ki jingialehkai ba bunjait.
La ioh ruh ia ka jingkren na ka Kong Marbiang Suchiang, Ka Monalisa Dhar President ka KSU Dimahasoa unit, samla N Sutnga Adviser KSU Iooksi unit, bad kiwei kiwei ki nongkren. La ioh ruh iaka jingkren pdiang na u Pro pastor R Lahong bad la pyniaid ia ka jingialang da U Paulus Suchiang. La pynher ruh ia ka lama ka Sngi Lumlang da u Peter Sumer President ka Sngi Lumlang Halflong Unit. La iadon lang ruh ki dkhot ka KSU Iooksi unit