Rakhe sngi kha Gandhi ka Khadsawphra

Shillong, 4 Risaw:
Ha ka 2 tarik u risaw ka Khadsawphra College ka la rakhe pyndonburom ia ka sngi kha ba 146 jong u Mahatma Gandhi da kaba pynlong ia ka jingpyn- khuid kaba la tip kum ka Swachh Bharat , kum ka jingiasnohkti lang bad baroh kawei ka ri India ban pynlong ia ka ri kaba khuid kaba suba.
Watla ka la don ka jingpynbna shuti ia ki skul ha katei ka sngi, hynrei ki khynnah pule katei ka Kolej ki la shim bynta shitrhem da ka jingkmen ban pynlong ia katei ka sngi kum ka sngi treikam. Ka jingthmu jong katei ka kolej ban pynlong ia ka Swachh Bharat ka long ban pynsngewthuh ia ki khynnah skul bad ki nongshong shnong ia ka jingkordor jong ka jingleh khuid kumba la ialam lynti da u Mahatma Gandhi, ha katei ka sngi ka la don ka jingpynkhuid ia ka sawdong sawkun jong katei ka kolej.