Rakhe Rashtriya Ekta Diwas

Shillong, 2 Naiwieng:
Ka St. Edmund’s College, ka la rakhe ïa ka “Rashtriya Ekta Diwas” lane ka “Sngi Ka Jing ïatylli” bad la shim bynta da bun ki nonghikai bad ki samla pule ka kolej. La sdang ïa ka prokram da ka jingpynkynmaw ba kum ki Nong India, ki ju pyni ïa ka jingïatylli haba ka Ri ka kiew ha ka liang ka saïan bad teknoloji, haba ki nongïalehkai jong ki paw ha ki lympung kiba pher bad ha kiwei ki bynta ba ka Ri ka kiew.
U Dr. Sylvanus Lamare ha ka jingkren jong u, u khot ïa baroh ban ïatrei lang da kaba minot thop ha la i bynta bad noh la u synniang da ka jingthmu ban wan rah ka jingïatrei lang ban kiew. “Ka Ri ka kiew lada ka don ka jingïatylli; ka Ri ka shngaiñ haba don ka jingpeit pyrman bad ki shipai ka Ri pat ki ïada bad husiar ban ïada ïa ngi na ki nongshun kiba kwah ban pyntroiñ ïa ka Ri” ong u babu Sylvanus. . Ïa ka jingtip kaba kham bniah shaphang jong u Sardar Vallabhbhai Patel la ai da u Prof. Ricky Bas a iawmoit bad ruh lyngba ka jingpyni ïa ka phlim lyngkot. Na ka jingkren bad na ka phlim, ka paw shai ba une u khraw pyrkhat u dei uba ieit ïa la ka Ri, uba ieit ïa ki khynnah bad ki samla; uba ieit ïa ki shipai ka Ri bad uba ieit kham tam eh ïa ki briew sha ki nongkyndong. Ïa ka jingsmai ban tei la ka Ri la ïalam da i Prof. Iarisa Annette R. Dorphang. La pynwai ïa ka prokram da ka jingrwai ieit ri.