Nongpoh: Ki nongkitkam ka Nongpoh Block Congress Committee, hynnin ka sngi Saitjain, ki la pynlong ia ka jing rakhe Advance Christmas hapoh ka madan ialehkai kaba don hapoh ka shnong Marngar, Ri Bhoi District.
Ha shwa jong katei ka jingrakhe Advance Christmas, kitei ki nong ialam ka NBCC ha ryngkat u MLA ka Nongpoh, shwa ba kin pynlong ia katei ka jingrakhe Advance Christmas ha Marngar, ki la pynlong ia ka jingleit jurip ha ryngkat ki jingai sngewbha sha ka jaka ri Khun swet kaba don ha shnong Mawsynrai bad kumjuh ki la leit ban peit ia ki Nongpang hapoh ka jaka sumar ha Mawsyntai PHC, ia kaba ki la ai ruh da ki jingai sngewbha ha ryngkat ki kyntien kyrkhu kyrdoh.
Haba iadei bad ka jingrakhe Advance Christmas ha Umwang, la wan ban pynshngain u Bah James Lyngdoh, working president ka Meghalaya Pradesh Congress Committee kum u kongsan, ha ryngkat u Bah Mayral Born Syiem, MLA ka Nongpoh, u Bah Balajied Rani, MDC, u Bah Plielad Tiewsoh, President ka NBCC lem bad kiwei ki nongkitkam ka ka party Congress.
Ha katei ka sngi, ban rakhe ia ka Advance Christmas, na ka liang ki nongkitkam ka NBCC, ki la pynlong da ka jingai sngewbha sha baroh ki riew tymmen kiba don ha katei ka thain, ha kaba ki la sam da ki Blanket sha ki spah ngut ki riew tymmen kiba don ha katei ka thain Mawngar.
Phi don ban ong eiei?