Rakhe ki Muslim ia ka Id

Shillong, 17 Risaw:
Ki jinglehniam jong ki Muslim ka Id-ul-Zuha la rakhe hynnin ka sngi ha Meghalaya. Ha kane ka jingrakhe ia ka Eid Mubarak la rakhe ha baroh kawei ka jylla katkum ka rukom ngeit jong ki.
Ha kane ka sngi ki riew ngeit jong ki Muslim ki la leit sha ki mosque ha kaba da ki hajar ngut ki riewngeit Muslim ki la pynlong ia ka jingduwai na ka bynta ka jingsuk.
Ha kane ka jingrakhe ia ka Id-ul-Zuha, la pynlong ia ka jing ianguh iadem mar kylliang para maki. Ia kane ka Id la rakhe ha baroh kawei ka pyrthei da ki riewngeit Muslim ban burom ia u nonghikai jong ki u Ibrahim (Abraham) ban aiti ia u khun ba nyngkong u Ismail (Ishmael) kum ka jingaiti ha ka u Blei jong ki u Allah.
Kane ka jingrakhe la ju tip kum ka jingaiti jong ki. La pynlong ruh ka jingduwai jingrakhe ha ki bynta bapher bapher jong ka jylla kynthup ha Ladrymbai, Dawki, Nongpoh bad ha kiwei kiwei ki jaka.