|
Shillong: Ka North Eastern Institute of Ayurveda and Homoeopathy, Mawdiangdiang, Shillong, kaba hap hapoh ka jingpeit jingkhmih jong ka tnat AYUSH, ka Sorkar India, ka la rakhe ia ka “World Homoeopathy Day” mynta ka sngi balang kaba long ruh ka lyngkhuh sngikha kaba 264 spah snem jong u Dr. Christian Friedrich Samuel Hahnemann, uba long u nongshem ia ka Homoeopathy.
La sdang ia kane ka jingrakhe da kaba thang “sharak” bad ka jingpynkup burom da u syntiew ia ka dur jong u Dr. Samuel Hahnemann, u kpa jong ka Homoeopathy. U Director barim ka National Institute of Homoeopathy, Kolkata u Prof. (Dr.) Samir Kumar Bhattacharyya haba kren ha kane ka sngi, u la pynpaw ia ki jingeh ha kaba iadei bad ka jingai jingsumar ha ka liang ka Homoeopathy. U la pynshlur ia ki paidbah ban shim kabu ia kane ka rukom ai jingsumar khlem da ap khmih lynti na ka liang ka Sorkar. Ha kane ka jingrakhe la iadonlang u Director jong ka NEIAH u Prof. (Dr.) P.K. Goswami bad kiwei kiwei ki nongshah khot sngewbha. Ha kane ka sngi la pynkup burom ruh ia ki phra ngut ki Doktor homoeopathik kiba na kylleng ki jylla jong ka thain Shatei Lammihngi kiba la noh synniang shi katdei eh sha u sup thiar jong ka tnad Homoeopathy. Kine ki doctor ba la shah pynkup burom ki kynthup ia u Dr.D.Khar Raswai, Registrar, State Board of Homoeopathic Medicine, Meghalaya; u Dr. Dhiren Ch. Senapati, Ex-Principal Incharge, Dr. J.K. Saikia Homoeopathic Medical College, Jorhat, Assam; Dr. Sailendra Nath Kalita, Principal Incharge, , Dr. J.K. Saikia Homoeopathic Medical College, Jorhat, Assam; Dr. Dhiren Ch. Das, Principal Incharge, Assam Homoeopathic Medical College and Hospital, Assam; Dr. B.V.S. Murty, Tomo Riba Institute of Health and Medical Science, Naharlagun, Arunachal Pradesh; Dr. T. Bendangtula, Assistant Director, I/C AYUSH, Directorate of Health and Family Welfare, Nagaland; Dr. N. Birkumar Singh, Ex-incharge RRI (CCRH) Manipur; Dr. Mara S. Thansiami, Deputy Director (AYUSH), Mizoram. Ha kane ka sngi, ka la don ruh ka Scientific Programe ha kaba u Prof. (Dr.) Samir Kumar Bhattacharyya u la ai jinghikai halor ka phang “Study of Homoeopathic Materia Medica aimed to Clinical Practice”. La sam ruh ia ki khusnam sha ki samla pule jong ka NEIAH Institute kiba la shim bynta ha ka jingiakop thoh esse. |
Phi don ban ong eiei?